Trais empermischiuns

Peter Peyer ha guadagnà ils 25 zercladur 2017 las emprimas elecziuns primaras en Svizra. En ses discurs suenter la nominaziun sco candidat per la regenza ha el formulà trais empermischiuns:

1. Sco cusseglier guvernativ empermet jau da m’engaschar per mias valurs e mias ideas e da cumbatter persuenter cun persvasiun ed en moda constructiva entaifer la regenza. Ils electurs e las electuras han il dretg da spetgar ch’ils politichers s’engaschian per quai ch’els han empermess durant il cumbat electoral.

2. Sco cusseglier guvernativ empermet jau da respectar la collegialitad e da metter adina il bainstar public avant ils interess individuals. Tut ils vischins e las vischinas han il medem dretg che lur quitads vegnian prendids serius e ch’ins taidlia sin els.

3. Sco cusseglier guvernativ empermet jau da communitgar avertamain, onestamain ed en moda lianta. L’agir dal stadi sto esser chapaivel per la populaziun. La glieud duai adina savair tge ch’els han da spetgar.

  • Peter Peyer
    Via Digg 19
    7014 Trin