Chars electurs e charas electuras

Ils davos onns èn stads difficils per il Grischun, en spezial per l’economia ed il turissem. Las debattas politicas èn stadas stentusas. Uss è vegnì il temp per far in pass enavant. Sch'il chantun investescha en la furmaziun, la perscrutaziun e la cultura, naschan dapli plazzas da lavur qualifitgadas. E nus duvrain er dapli spiert da pionier en la digitalisaziun ed en la protecziun dal clima. Necessari èn plinavant mesiras per pajas onestas, per abitaziuns pajablas e per dapli purschidas en la tgira d'uffants. Tut quai signifitga progress per il Grischun.

Mia candidatura è in’offerta a tut quels che vulan purtar enavant nus. Er a quels che na voteschan regularmain PS u che n’han anc mai votà per la PS. Jau sun in socialdemocrat perschuadì. Ma jau na vi convertir nagin. Jau vi sulettamain perschuader ch’i dovra en il Grischun progress per tuts ed en la regenza ina pluralitad d’opiniuns.

Grazia fitg per Vossa vusch.

Peter Peyer

 

P.S.: Mia pagina-web vegn tgirada dal comité „Peter Peyer en la regenza“. Grazia fitg a tuts per il sustegn e lur grond agid.

  • Peter Peyer
    Via Digg 19
    7014 Trin